الصفحة الرئيسيةيوميات مجند بحرى
فى الجيش
بقلم
جندي /وليد غزال
الفصل الاول
م.ت.البحرية
البداية صباحا الساعة الخامسة فجرا من رشيد المعمورة
.ركبنا الصبح بدرى فى حدود الساعة 8 صباحا بعد انتظار طويل مع صديقاى محمد سعيد ووليد أبودياب كنا رايحين الى مركز الطابية اللى فيه مركز تدريب البحرية .فضلنا هناك مستنيين للساعة 10 او 11 تقريبا لحد ما أخدنا الكارنيه والبطاقة بتوعنا واستنينا شوية كمان . المهم دخلنا جوه مركز التدريب لحد ما عملوا التمام على السجلات بتاعتنا ونادوا على الاسماء ييجي 20 مرة هههههههه.كنا الى حد كبير مبسوطين لحد دلوقتى و ده عشان لسه ما كناش نعرف اللى مستخبيلنا فى الوقت ده . المهم بعد ما عدونا ييجي 20 مرة تانى هههههه برضه واتأكدوا جه عسكرى كان لابس أفارول مموه أخضر تقريبا . الراجل اتشتم شتيمة مننا بس طبعا فى السر عارف ليه ؟!! عشان أنا اتمرمنط يا راضي L L .
بجد اتبهدلنا بمعنى البهدلة L كسروا نفسنا ولاد التيييييييييييييييت L فضلنا من بعد الساعه 11 أو 12 نزحف على بطننا ونجرى ونزحف ونزحف وزحفنا على ضهرنا كمان لما بجد الواحد جه اخر الليل متكسر وده اللى خلانى ما أعرفش أكتب أول يوم أى حاجة L L كانت دراعاتى متكسرة ورجلى وجسمى كله متكسر L طبعا .
طبعا ما نمناش بالنهار أساسا خالص. نسيت أقولك صحيح L بعد التدريبات والزحف ده كله روحنا التفتيش واتفتشنا وممنوع التليفونات والخطوط طبعا فى ناس اتكدرت بسبب الموضوع ده أهم حاجة ان ربنى كرمنى بواحد طيب جندى زيينا كده وعديت بالخط بتاعى .
فضلنا قاعدين تحت الشمس برضه لحد ما جالنا واحد اسمه الصول / هانى L منه لله .
ربنا يكرمه L المهم كلمتين حلوين منه على صفا وانتباه واثبت ومش عارف ايه وحوارات يعنى والأدب والانضباط .
وصلنا للساعه 1 أو 2 الضهر وقت الغدا فقالنا نتغدى بعد ماوقفنا فى طابور منظم طبعا وبالدور دخلنا اتغدينا فى الميس (مكان الطعام) أكلنا يومها بقي فى السرفيس كان مكرونة وحتة لحمة صغيرة وشوية خضار بس حمدلله كنا جعانين أساسا جدا وأكلنا طبعا كل الأكل وعدت على خير الوقت ده .
بعد كده اتوزعنا على السرية بتاعتنا اللى هى السرية الاولى اللى شفنا في اليوم ده سواد L L L
الصول / هانى منه لله استلمنا وطلع عين أبونا L زحف بقي وجرى واثبت وحاجات زبالة من دى .
جات الساعة 10 بالليل او 10 ونص طبعا كنا جيبنا أخرنا اساسا . قاللنا تطلعوا تناموا بعد 10 دقايق بالظبط.
ماصدقنا وحمدلله عدى اليوم زى ماهو كده ونمنا وكان الصحيان بدرى الساعه 5 صباحا قبل الفجر L طبعا .
صحينا قبلها بشوية عشان نحلق دقننا اساسي .صحينا حمدلله والواحد نايم بالهدوم بتاعة أول يوم وجسمه متكسر .
قمت حلقت دقنى لأول مرة فى حياتى وغسلت وشي واتوضيت وصليت الفجر.
وطلعنا طابور والصول هانى L منه لله كلمنا شوية وطلعنا عشان نقيف الهدوم(المهمات) بتاعتنا اللى استلمناها امبارح دى .
نسيت أقولك عليها قبل السرية اللى هى المخلة بتاعتنا كان فيها كل حاجة لبسنا كله من البيادة .
بع\ ماقيفنا لبسنا اللبس الميرى ومن ساعتها واحنا قاعدين .
أكيد هما مجهزين لنا حاجة حلوة ربنا يستر L .
نكمل بعد ما اروح أحلق وراجع ان شا الله واكلمكم عن الناس اللى كانوا معايا فى السرية الاولى دى .
السرية الاولى
وحوش...وحوش...وحوش
#########
#السرية_الاولى
الفصل الثانى
صحابي فى م.ت البحرية
ليست هناك تعليقات:
إرسال تعليق