الصفحة الرئيسيةالفصل الثالث عشر
انما الامم الاخلاق ما بقيت
ممممممممم فاكر اول يوم يا باشمهندس/وليد؟؟!!
لالالالالالا كله الا اول يوم L
كان يوم سئ جدا منهم لله
ويوم ابن ستين كلب بصراحة L
ارقد ازحف ارقد ازحف على ضهرك سريعا مرش ارقد ازحف لحد الساعة 10 ونص بالليل يا كفرة L
ومنه لله بقي اللى خلانا نرقد 10 بالليل يلا ربنا يهديه ويكرمه واللى عمله فينا يطلع عليه.
مش دى المشكلة بقدر ماهى كبيرة وزبالة برضه الا ان اكتر حاجة مستفزة بحكم انى فعلا كان نفسي تبقي فترة كده تجديد من الحياة المدنية كلها بما تشتمل عليه من تكنولوجيا واخبار وسياسة واقتصاد وفيسبوك و و و و و الخ الخ .
والحاجات دى كلها اكيد كانت بتشغل حيز كبير جدا من حياة الواحد خصوصا انى فى اخر اسبوع كنت شغال على المدونة بتاعتى اللى اسمها"كتابات واشعار وليد غزال"
عملت فيها شوية شغل كويسين جدا لسه بعد ماننزل اجازة ولا حاجة هكمل شغل فيها ونظبطها اكتر واكتر.
الفترة دى بقي فادتنى جدا وعملتلى فعلا تجديد جميل جدا كنت محتاجه خصوصا قلب الواحد اللى هو انا يعنى بغض النظر برضه عن ان فى ناس كتيرة والله وحشانى جدا جدا ونفسي اشوفها واتكلم معاها تانى.
الشئ بقي اللى دايقنى فى مركز التدريب ولسه مدايقنى اكتر طبعا وكل يوم بل كل ساعة يستفزنى لانى كنت جاى على ظن انه مركز تدريب واخلاق بقي والحاجات دى لاقيت العكس خالصL
لان فى حديث للنبي صلى الله عليه وسلم :"انما بعثت لأتمم مكام الاخلاق"
أجمل حديث فى الاخلاق لان فعلا الجيش بالوضع اللى احنا فيه د شئ لا يطاق ويرثي له بالتاكيد.
بكرة ان شا الله هيكون 11-2-2014
يوم التلات وغالبا كلها اسبوع وهننزل اجازة بقي بقالنا كده 13 يوم هانت يعنى خلاص عايزين نشم نسيم الحياة المدنية بقي.
هى ماوحشتنيش اوى بس برضه الواحد مايستغناش عن الناس اللى بيحبها .
المهم ياسيدي وياستى زى ماقولتلك كده فيه كمية سفالة لا تتخيلها مع انهم قايلين فى الاول ان الشتيمة الميرى كالاتى : ياهزء,يا رمة, وشتيمة كتيرة اوى حاجة زى الزفت وزيالة كمان وكل الاوصاف اللى مش حلوة فيها.
دي مشكلة كبيرة طبعا
بس خلينا نعتبرها عادية
وعشان الناس تسمع الكلام وتاخد على الميرى شوية.
انما بقي الشئ اللى يدايقك اكتر اخلاق الشباب اللى فى مركز التدريب ده
بجد ماكنتش اتخيل كمية الشتائم وانحطاط الاخلاق اللى حاصل للشباب ده. L
اذا كنت أنا ولا ابرئ نفسي من الخطأ والذلل لكن ربنا يسامحنى ويغفر لى عن كل كلمة سيئة قولتها
المشكلة مش فى انك مثلا تغلط غلطة بكلمة عادية ومقبولة الى حد ما وبتزعل لو قولت كلمة خارجة
ولا حاجة .
انما فى مركز التدريب الشباب الشتيمة فى لسانهم زى اللبانة فعلا.
كل الكلام والحوارات طبعا مش هنذكر هنا الكلمات دى لانها حاجة زبالة بس حمدلله الواحد بيحاول ينبه وينصح على قدر المستطاع خصوصا الحديث الرائع للنبي صلى الله عليه وسلم :" امسك عليك لسانك وليسعك بيتك وابك على خطيئتك"
انت متخيل لما الناس معظمها يكون كده كله شتايم وقباحة من دى؟!!!
نسأل الله العافية
وكمان ياسيدي عملنا النهارده بروفا طابور العرض العسكرى
كان جميل جدا وفى حفلة يوم السبت او الحد او الاتنين تقريبا هكلمك عنها
ثاااااااااااااااااااااااااااااااابت #
#السرية_الاولى
وحوش...وحوش...وحوش
ليست هناك تعليقات:
إرسال تعليق