الصفحة الرئيسيةالفصل العاشر
الالى علينا حق
استعععععععععععد....اضررررررررررب..طخ طخ طخ
بيقولك لما تضرب فى الى فى مركز التدريب بتاعك يبقي انت كده يا معلم قربت تنزل أجازة أو بمعنى أحسن قربت على الترحيل للمكان بتاعك اللى هتتوزع فيه.
النهارده الخميس قبل يوم الزيارة تقريبا بكتب الساعة 10 ونص بالليل طبعا كده متأخر بس عشان فى زمايل بتتكلم فى التلفون وكده فتأخرت عشان هى تتكلم وبعدها أخدت دش سخن جامد طحن JJ
وبقيت فريش ع الاخر حمدلله J
ومش هحكيلك بقي عن السخن والساقع اللى عندنا
ةعلى ضوء كشاف واحد زميلى اسمه أمير كنت بكتب كل الكلام ده عشان مانزعجش حد برضه.
المهم يا معلمى ان النهارده كان يوم بيييييييض خالص عشان روحنا ميدان الرماية نضرب الى هناك
وكان يوم زى الزفت بسبب الحر والزهق واستنينا وقت طويل اوى اوى هناك L.
اه صحيح افتكرت لملوم من بلدنا ربنا يبارك فيه السلاح بتاعه وحدات جمب مركز التدريب كده
جالى النهارده وروحنا فطرنا سوي فى الكنتين وظبطت حالى وعال العال
حمدلله
وبعدها جمعنا سرية 1 وضربنا اول ناس الحكمدارية
وبعدها نظمنا الناس هناك
وفضلنا مستنيين بقي كتير اوى لحد ما رجعنا السرية عشان مشوار طول اوى حتى الواحد اتحرق من الشمس دى.
بس برضه حمدلله اليوم عدى على خير
كان عندنا شويش صغنن كده عمره ييجي 20 او 21 سنة وبيؤمرك وبيكدرك وبيعمل اللى هو عايزه ما عدا 3 حاجات شرفك ومهماتك وفلوسك.
المهم كان علينا والناس منضبطين وتمام التمام.
أخدنا تمام اخر النهار الساعة 8 ونص وطلعنا العنبر ونمنا .
وصحيح افتكرت وقفونا طابور عشان برضه فى ارض الطابور عشان تحية العلم وقعدونا كتير اوى والجو كان تلج جدا وشوية كلام من الرائد تقريبا اسمه محمد مؤنس وتنبيهات عشان الزيارة بكرة ومحدش يجيب أكل وكده
بس الناس هتجيب وهتاكل برضه محدش هيمنعها زى ما حصل الجمعة اللى فاتت وكان سبب فى تكديرنا ووقفونا ثابت لمدة ساعة ونص منكم لله
ربنا يخلص من جتتكم L
وكل يوم برضه تعرف ناس جديدة حمدلله
وتتعرف أكتر وتتعامل
ولو قابلتك مشكلة بتحلها وكده والفصيلة بتاعتك لازم تكون مدردحة ومفرفشة دايما.
وأحلى حاجة بجد هنا موضوع الالتزام والانضباط والصحيان الفجر بدرى والطابور بتاع الصبح والتمارين بس بكرة الجمعة هيكون يوم ادارى عادى مافيهوش لت وعجن كتير زيادة عن اللازم
وانا عن نفسي كنت موصيهم يجيبولى أكل كتير ويظبطوا وماليش دعوة هاكل يعنى هاكل.
المهم برضه ممكن ننزل أجازة الاسبوع ده ان قدر الله طبعا على يوم 20 أو أقل كمان يارب.
بجد فى ناس وحشانى جدا ربنا يحفظهم ويبارك فيهم ويجمعنا بيهم فى الجنة.
ربنا يستر بكرة ومانتكدرش ونقف ثابت كتير.:)
ليست هناك تعليقات:
إرسال تعليق