الصفحة الرئيسيةالفصل الرابع عشر
يعنى ايه الصول سمير
فى الفصول اللى فاتت كنت كاتب شوية كلام عن الصول /سمير
والكام صول اللى معانا زى الصول / هانى والسيد وحسام اى كلام فى اى اتجاه J .
طبعا تقريبا عندنا حفلة وعرض عسكرى يوم الحد الجاى او الاتنين او السبت جايز
وعشان كد انا كوليد نفسي اشارك فى الحفلة والعرض
لكن امبارح حصلى دور برد جامد اوى وسخونية وصدرى كان والع نار لكن حمدلله أخدت أورنيك اسعاف
وبقيت كويس تانى يوم اللى هو النهارده يعنى.
طبعا جسم الواحد لسه متكسر وتعبان شوية بسبب بروفة العرض اللى عملناها فى ارض الطابور امبارح.
هكلمك عنها بس مش دلوقتى J
اللى كنت عايز أقوله بقي وأشارك بيه فى الحفلة بس مش عارف هينفع ولا لأ
المهم انا هقولهالك هنا عن الصول / سمير
لأنه راجل محترم جدا بغض النظر ان الناس بتتعامل معاه بخوف أولا
وكمان برضه الشويش احمد غزال عشان قالب علينا خالص من امبارح
وكدر العيال ورقدهم وزحفهم بس حمدلله المجموعة اللى انا فيها اللى مفروض هتشارك فى العرض ماكدرناش.
اه صحيح بالمناسبة بعد ماكتبت القصيدة دى للصول / سمير روحت سألته عنها فقاللى الكلمتين دول :
أنا بكره المدح-الكلام مش بالنص اوى يعنى-عشان المدح بيفتر العزيمة ويكثر الكبرياء عند الواحد
بس انا كنت قررت انى هقولهاله برضه لما ييجي يحضر معانا قدام السرية
ربنا يسهل بس وأقولها ومايزعلش منى ولا من السرية كلها
فبقول فيها :
يعنى ايه الصول سمير؟!
يعنى أحترمك بس ألاقي تقدير
يعنى مُعلم فوق الوصف
كله رزانة وعقل كبير
شدة وحزم .وبرضه قلبه كبير
مرة بيشكر فينا ومرة نلاقى تكدير
وبرضه نحبه ويبقي لينا
أب قدير
أصله فى شغله يراعى ضميره
واللى يخالف يلقي الزحف مصير
وبرضه نحبه ونفضل جمبه
ربنا يحمى لنا الصول سمير
كله شياكة وكله أناقة
فى بدلته ميرى وملكى أمير
خطوته جندى محارب أصلى
ماشي سلاحه بكتفه وصوته زئير
ربنا يحمى لنا الصول سمير J
--------------------------------
انما الشويش أحمد غزال برضه عملتله قصيدة صغننة قولتهاله امبارح وكان فرحان لما قولتهاله
يعنى ايه أحمد غزال؟!
يعنى شويش ياخد تمام...أحسن تمام
يعنى يرقد فينا ونزحف تانى..وبرضه تمام
أحمد غزال
يعنى الراحة لازم ننساها
هما يا دوب 7 أيام
نبقي في بيتنا ويبقي الواحد فى التمام
يعنى حكاوى كتيرة نقولها
يعنى أخ كبير مش أى كلام
الشويش أحمد غزال
-------------------------------
ولازم تكون عارف ان ده مش نفاق ولا حاجة حمدلله
لكن الكلمات بصراحة الانسان المحترم لازم نشكره ونحبه كمان
والواحد لم يتجاوز فى حاجة فى الاوصاف
بالعكس ده اللى بيحصل معانا والدليل انى قولت التكدير والزحف
------------------------------
#السرية_الاولى
وحوش...وحوش...وحوش
ليست هناك تعليقات:
إرسال تعليق