الصفحة الرئيسيةالفصل السادس
خالصة يا زميلى
لحد دلوقتى حمدلله اليوم كان جميل جدا لأنه مافيهوش أى تكديرات حمدلله بجد دى أكتر حاجة بتزعل الناس وعشان كده مش برضي أزعل أى حد ودى بتيجي لو قولت للصول مثلا بتاعنا الصول / سمير ربنا يكرمه ويفضل معانا كده.
النهارده يوم الاتنين كان معانا شويش اسمه أحمد غزال كان يوم بييييييييييييييييييض بصراحة اكتر يوم عملنا فيه تمامات للأسف.
وروحنا ميدان الرماية وضربنا نار بالموريس ييجي 3 رصاصات او 5 رصاصات ورجعنا للسرية والدنيا مطرت علينا طبعا أول يوم ده تمطر علينا.
بس حمدلله تمام وخلصنا.
أحلى صول شوفناه لحد دلوقتى هو الصول / سمير عشان راجل عسكرى وفاهم وكلامه مسموع محترم جدا وشيك اوى وزى العسل كمان.
خالصة يا زميلى؟!!
ده بقي اسمه مصطفى معانا فى العنبر رقمه 160 .بجد ضحكنا كتير اوى حتى فاكر موقف مع الصول هانى اول يوم كنا فيه ساعة ما كنا بنقيف الهدوم بتاعتنا ضحك مرة على موقف كده فقام كدره وزحف على الارض كمان بس قام قاله ي باشا عشان وشي بشوش بس.
J المهم الراجل ده اتعرفت عليه برض وكل شوية نضحك سوي ونهزر ونتعرف على ناس جديدة كل يوم حمدلله على هذه النعمة طبعا وربنا يديمها.
حتى النهارده واحد كان هيزعل منى بس حمدلله فعلا "ما محبة الا بعد عداوة" وحمدلله بقينا سمنة على عسل لأنه راجل محترم جدا.
وحتى مش ناسي ان صوتى راح خالص بسبب لما نزلنا أول مرة طابور لياقة لدرجة انى مش قادر اتكلم ولا أنادى على أى حد فى الفصيلة بتاعتى.
عشان كده كنت بخلى واحد ينادى على الفصيلة وانا أتمم عليه علطول وحمدلله الدنيا ماشية تمام.
تقريبا عملنا ييجى 50 تمام النهارده L L يلا اليوم السادس خلص وحمدلله عدت الأيام.
أه صحيح افتكرت قابلت لملوم اللى من بلدنا وقعدنا مع بعض شوية وفطرنا وحتى صورنى صورة هناك واحنا رايحين ميدان الرماية ربنا يستر وما تكونش طلعت وحشة ولا حاجة.
بس انا واثق من نفسي حمدلله.
وبرضه للأسف وقتها كان نفسي أكلم ابويا وأكلم جماعة أعزاء عليا أوى كلمتهم لاقيتهم غير متاح L !!
لعله خير برضه.
المهم انى بعتلهم رسالة برضه أطمنهم عليا يارب يدعولى دعوة كويسة كده وما تحرمش منهم.
وكمان ناس عزيزة علي قلبي أوى اوى من خارج مصر وحشونى جدا وأخويا مختار بالذات أكتر واحد وحشنى فى الدنيا كلها والله .
بجد حاسس بشئ ناقص جوايا ربنا يكرمه وييسرله اموره ويوفقه ويرزقه رزق حلال ويبارك فيه وفى عمره.
امين يارب J
وعادل أخويا كمان وحشنى جدا ربنا يصلح حاله ويكرمه ويهديه.
عارف كمان ستى وحشتنى أوى بدعيلها من كل قلبي ربنا يبارك فيها ويقويها ويشفيها بحبها جدا .
ربنا يحشرنى أنا وهى فى الجنة سوي.
تخيل لما حد يعوضك عن أمك بقي. J !!
هى كده ربنا يحفظهالى ويبارك فيها ويفرحها بينا كلنا أنا وعادل ومختار . J
كل اللى فى البيت وحشونى جدا طبعا جميع أخواتى .
والبت هايدي بالذات ربنا يجمعنى بيهم على خير دائما .
خالصة يا زميلى ؟!!!
J J دييييييييييييشا
#السرية الاولى
وحوش...وحوش...وحوش
ليست هناك تعليقات:
إرسال تعليق