الصفحة الرئيسيةالفصل الرابع
طابور اللياقة
لبسنا البروفر الميرى النهارده(الترنج)والبيادة ماعدا الافارول وكان أجمل طابور مع الصول /سمير وقولنا نشيد النهارده سرية الاولى فى كل مكان ..وحوش وحوش وحوش وشوية كلام كده مش فاكر فيهم أى حاجة بصراحة LL بس أكيد هنطلع تانى طابور لياقة كل يوم تقريبا.
وأنا حكمدار كنت كل يوم لازم أخد التمام بتاع الناس وأظبط الاداء.داخل العنبر بقي كل واحد على سريره ومنظم بطريقة معينة لازم كل يوم تعمل كده وتبقي أنضف مما تخيل والبيادة تلمعها .ودلوقتى وانا كاتب الكلام ده كان عندنا جمع للسرية بتاعتنا.
قدام شارع الطابور عشان الصول / سمير .اللى جوه العنبر بقي هنتكلم عنه بالتفصيل من صحابي اللى أعرفهم واللى اتعرفت عليهم طبعا بعدين.هروح دلوقتى عشان نتمم على الناس للصول / سمير عشان عندنا محاضرة تقريبا فى السلاح الالى لحد دلوقتى لسه الساعة 12 و 40 دقيقة هنحضر كمان شوية المحاضرة بس الاول ناخد التمام عند السرية.
يلابينا عشان هنقفل العنبر عشان الوصل / سمير الراجل المحترم لو زعل هيظبطنا كلنا عشان الحسنة بتخص والسية بتعم ربنا يستر.
أخيييييييييرا رجعت أ:تب الساعة كانت تقريبا 9 ليلا بعد ما أخدنا الانصراف من الصول / سيد راجل محترم جدا وعاملنا كويس.طلعت فوق وسبحان الله حلقت حلقة النهارده تقدر تقول انها -1 مش زيرو L لكن ميرى برضه وماشي الحال وهنتعود ويطلع شعر غيره.
كل يوم حمدلله كان أجمل من التانى بسبب الصحبة اللى فيه وكل يوم تعرف ناس جديدة وتتعامل أكتر مع ناس تانية وتتعامل مع الصول وتتكلم معاه وتقف قدامه انتباه وتعمل انصراف وجمع سرية وخدمة عنبر فعلا تحس بالمسئولية تجاه كل الناس اللى معاك انت مش عايز تكدرهم وهما حريصين على ان ده مش يحصل معاهم برضه عشان احنا كلنا يوم واحد جايين مع بعض وعارفين كويس اوى ايه اللى حصل فينا اول يوم ويوم الجمعة يوم الزيارة لكن الناس منضبطة جدا وملتزمة بالطوابير والاوامر.
ومافيش نقاش فى الاوامر طبعا الا فى 3 حاجات لو حد طبها منك ترفضها : " الشرف-المهمات-فلوسك".
برضه بتتعامل مع كل الحكمدارية وكانوا متقسمين كالاتى:
حكمدار السرية كان اسمه محمد مهندس مدنى من كفر الشيخ محترم جدا وطيب جدا واكتر واحد هادى فى السرية كلها بين الناس كلها بتشكر فيه وبتحبه حتى الصول /سمير شكر فيه بس قال انه هادى اكتر من اللازم .
وتحت محمد ده بقي كان 4 حكمدارات كالاتى:
حكمدار فصيلة1:
كان اسمه اسامه يعتبر أقدم واحد عشان جم قبلنا ب 4 أيام ومحترم جدا وطيب وقالنا على اللى حصل معاه قبل مانوصل يوم الاربع وياحرام L اتكدروا عند البحر عند حاجة اسمها السيد البدوى بيقولك بيتظبطوا اوى وبيتنفخوا J
حكمدار فصيلة 2:
بصراحة ما اختلطتش بيه أوى لكن شكله ابيضانى محترم كده وحليوة كمان ربنا يحفظه لكن هكلمه ان شا الله.
حكمدار فصيلة 3:
صاحبي وزميلى وكفاءة محمد نجيب كلية علوم تقريبا بحراوى محترم جدا كان بيقوللى اول ما مسك حكمدار انه عايز يسيبها وكده لكن أنا رفعت معنوياته وقولتله هتتظبط معاه وكده وبقي كويس جدا واحلى حاجة فيه انه مش بيهزر كتي فى الطابور.انا بقي العكس ربنا يستر J
حكمدار فصيلة 4 :
أنا وأعوذ بالله من قولة أنا . سبحان الله أكتر فصيلة بتضحك وتهزر احنا ربنا يستر فى ناس كتيرة محتاجة تتكدر بس محدش بيهون عليا والله عشان احنا دفعة واحدة وجايز لو اتكدرنا نتكدر كلنا مرة واحدة فمش عايز اجى على حد خالص .
أخدنا كلنا التمام وانصرفنا فوق عشان ننام وقعدت أكتب الحاجات دى حمدلله .
ليست هناك تعليقات:
إرسال تعليق