الصفحة الرئيسيةالفصل التاسع
زيكا....الرجل الغامض
J مش عارف ابدأ منين ولا أقول ايه ؟! J ههه
غير انى ضحكت بما يكفى سنتين قدام حمدلله J
امبارح كان التلات كان يوم عادى برضه زى الايام اللى فاتت روتين يومي كالمعتاد بنصحى بدرى الساعة 5 ونعمل التمام وأهم حاجة فى اليوم كله او تقدر تقول اهم حاجة فى القوات المسلحة كلها هى الحاجة الوحيدة اللى بناخدها منها هى طابور اللياقة.
بنفضل نجرى بقي حوالين أرض الطابور ونقول نشيد بقي مثلا على ما اتذكر نقول:
سرية الاولى..سرية..ونسكت ثانيتين..ونقول الاولى...قوة...ايمان..عزيمة..وحوش وحوش وحوش
وبرضه ممكن فى ناس كانت بتقول اناشيد من دماغها
جبارون..السرية الاولى فى كل مكان وحوش وحوش وحوش
6 اكتوبر نصر عظيم!!
فى حاجة بقي خلال اليوم كله ضايقتنى جدا وكانت هتعمل مشكلة كبيرة وهى انك تقدر الناس خصوصا انهم غالبيتهم اكبر منك بس المشكلة انك تقدر اللى قدامك وتحترمه وهو مايقدركش طبعا مش كل الناس بس فى ناس مش محترمة او مستظرفة فيها وسايقاها وبتسهبل.
كمان اسوء شئ هنا موضوع الحسنة تخص والسيئة تعم L
عشان كده مثلا لما 2 من الفصيلة بتاعتى اللى فيها 60 واحد يفضلوا يهزروا وكده اتدايقت منهم بعد انذار ييجي 5 مرات فقولت للصول/ السيد اللى كان معانا وهزء شوية منهم او كلهم عشان يقدروا اللى قدامهم ويحترموه
وفعلا المحترم محترم من غير ما حد يهزءه ويقل بيه.
تصدق وانا بكتب الكلام ده واحد صاحبنا محترم جدا فوق الوصف أخد اعفا بعد مادخل مركز التدريب واخد معانا الفترة دى 7 أيام وفى الاخر الفترة دى اخد اعفا.
سبحان الله بجد لما يعدى من العامرية وحلمية الزيتون وييجي هنا ياخد الفترة دى وبعدها اعفا طبعا ألف مبروك ليه أنا فرحتله جدا والله وبتمناله كل خير فى حياته وكام واحد اخد اعفا من العنبر اللى تحتنا برضه.
وربنا يوفقهم فى حياتهم ويبارك فيهم.
امبارح بقي برضه افتكرت الصول / حسام معلم سرية 2 جمعنا سوي وقعد يشرحلنا البندقية الالية ييجي ساعتين شوية جوه الميس
وشوية بره الميس
برضه كان ممل بس مش اوى لكن حمدلله خلص اليوم وجمعنا كالمعتاد J
عندك بقي زميلى زيكا (احمد) دى بقي حكاية لوحده اكتر واحد فى السرية كلها بيتاخد اسمه فى الخدمات الزيادة
فاكر رقمه بالاسم كده 222 اسهل رقم يتاخد خدمة زيادة
كنا طول النهار بنهزر مع بعض وكل الناس عارفينه
دمه خفيف جدا بغض النظر عن كمية البيض اللى فى الدفعة بتاعتنا دى .
بس ناس كتيرة بتهون على الواحد البيض اللى احنا فيه ده حمدلله.
زيكا!!!
ايه يا صاحبي انا ظابطك علااخر والعملية رايقه علطول
وصلنا لدرجة انه بقي يقوللى 222 خدمه انا عارف J
وكان معاه اتنين ملازمينه علطول رقمهم 197 و221
شوف فاكر وحافظ اساميهم محمد ومحمود
حتى واحد قدامى اسمه احمد المسيرى بيقوللى اسمه مش هينزل فى المذكرات فأنا مش هحرم حد من أى حاجة ان شا الله
ربنا يديم المعروف بينا كلنا J
#السرية الاولى
ليست هناك تعليقات:
إرسال تعليق