الصفحة الرئيسيةالفصل الخامس عشر
الطابور العسكرى
فى شوية حاجات كده أساسية فى أى جيش لازم تكون متوفرة والا يكون جيش ضعيف ومش منظم بالمرة كمان .
اى جيش لازم يكون فيه عرض لقوته العسكرية وتصوير بقي وميديا واعلام وحاجات كده تبع المخابرات كمان .
وحتى لو تفتكر الحرب العالمية التانية ايام هتلر وموسوليني والشوية الديكتاتوريين ايامها
تشوف العرض العسكرى بتاعهم تتخض فعلا مش اى كلام
بجد بيكون شئ مذهل
وعشان كده اى جيش بيكون فيه طابور العرض العسكرى اللى احنا بنتكلم فيه ده .
طبعا الحاجات دى لازم تترسم عشان تتخيل المنظر كويس اللى بيكون موجود فى ارض الطابور.
قبل ما قولك المنظر عامل ازاى لازم تعرف عملنا ايه قبلها
من تدريبات وخطوات وحاجات كتيرة اوى الصول / سمير قالنا عليها والشويش احمد غزال كمان بقاله يومين بيدرب فينا عشان طابور العرض العسكري ده اللى لسه مانعرفش معاده الاكيد .
اهم حاجة فى الطابور العسكري ده الخطوة المعتادة
انا هحاول ارسمها عشان تتخيل المنظر كويس وتبقي تشوف العروض العسكرية برضه على اليوتيوب هتعجبك اكيد انا واثق من كلامى J .
قبل الخطوة المعتادة كان سريعا مرررش بقي وقف وثابت والحاجات دى العادية.
وقبلها برضه استلمنا السلاح او بعدها على ماتذكر عشان التعليم الاول وبعدها الخطوة المعتاده.
بص ياسيدي
الماشية العادية واحنا ماشيين رجلك الشمال بتتحرك واليمين معاها وكذلك العكس.
فى المعتادة بقي الاتنين بيترفعوا اكتر عن الارض بحيث الشمال تترفع عن الارض تقريبا 45 درجة او 40 درجة والايد اليمين معاها لفوق لحد ماتوصل فى محاذاة الحاجب بتاعك.
مع قبضة اليد لحظة رفعها
وكذلك الرجل اليمنى مع اليد اليسري
وتخبط رجلك جامد فى الارض بكامل القدم
وده اللى خلى الواحد يتعب اوى امبارح وجسمه يكون كله متكسر كمان LL بس حمدلله.
الخطوة دى بقي بتضيف لها حاجة لما يكون السلاح معاك وهى ايدك الشمال وتتحرك حركة معتادة بقي فى ارض الطابور بمحاذاة يمينا ويسارا مع اللى جمبك
والا بتلغبط الطابور كله ولازم تبدأ الخطوة برجلك الشمال
ممنوع تتحرك باليمين اطلاقا فى الاول
بيكون الطابور على رنة الطبلة والزمارة اللى موجودة
بيكون شكل جميل جدا مع الطبلة واغنية :يا اغلى اسم فى الوجود يا مصر
يا اسم مخلوق للخلود يا مصر
نعيش لمصر ونموت لمصر
مصر
مصر
تحيا يا مصر
مصر ...........وتخبط اخر خبطة برجلك اليمين
---------------------------------------------
اكمالا للفصل ده النهارده يوم السبت 15-2-2014
بالنسبة لشوية حاجات كده مهمة مفروض انها تحصل الاسبوع ده ان شا الله .
النهارده جالنا شويش جديد اسمه محمود عاطف محترم جدا جدا ###
كنت وقفت هنا عشان قال اجمع وانا قاعد بكتب الكلام د
وده أمر عسكري
نزلنا وتممنا ييجي 3 مرات تانى بس حمدلله ماكنش فى مشاكل كتيرة ولا حاجة
وعدى اليوم والناس طلعت العنبر عشان تنام.
انا بقي اليوم ده ماطلعتش علطول قولت اعمل حركة حلوة واروح مع الخوارج فى الكانتين بتاع المنشات اللى فى وشنا علطول واتفرجنا على ماتش تشيلسي ومانشستر سيتى وجينا وكله تمام حمدلله والنهارده مفروض كنت روحت قعدت مع العريف/احمد خالد
بس الشويش نبه علينا بعد الانصراف محدش يطلع بره.
والجو تلج اوى من الصبح لدلوقتى
بس حمدلله فى العنبر دافى عشان فيه ييجي 120 بنى ادم
ده غير البشر طبعا
ههههههههههههههه
وكل يوم تقريبا يطلع من كل عنبر فى السرية ييجي 30 حالة اورنيك عيادة.
د غير اورنيكات الاسعاف طبعا
وملحوظة برضه هما لو بيفهموا اساسا كانوا عطونا الحقنة وماوجعناش دماغنا بالبرد والسخونية وكل الكلام ده اساسا .
بس ادمغة بقي ربنا يرحمنا ونطلع من مركز التدريب ده على خير.
هى خلاص بكرة الحد رماية ويارب الجو مايكونش برد زى النهارده كده
وبعد الاتنين الحفلة والعرض العسكري بقي يارب نعمل عرض تمام وزى الفل.
ويوم التلات تقريبا الحقنة اللى قالوا عليها دى
وبعدها راحة 24 ساعة وننزل على يوم الخميس الجاى 20-2-2014
ياااااااااااااااااااارب
3حمدلله نزلنا يوم التلات مش الخميس J
#السرية الاولى
وحوش...وحوش...وحوش
ليست هناك تعليقات:
إرسال تعليق