الصفحة الرئيسيةالفصل السادس عشر
الحلو مايكملش
عارف رغم ان احنا يُعتبر أحسن وأخف سلاح فى الجيش ويعتبر مش بنعمل حاجة مقارنة بالناس التانية كلها قصدي الاسلحة التانية
رغم ان كل يوم روتين شبه بعضه كده
ويوم يعدي ويوم ييجي وشوية تدريبات وراحة وشوية جري
لو فى طابور لياقة كمان ممكن
عارف رغم كل الناس اللى عرفتها الحلو والوحش فيهم والمعاملات واحلى حاجة كمان لما تلاقي حد جاى فى هواية
انت بتحبها
انت بتحبها
خصوصا الشعر وتقعدوا تتكلموا وتحكوا مع بعض قصايد والحاجات الحلوة دى وتسمع لهشام الجخ ومحمود درويش وغيره وغيره كتير طبعا .
حتى اسامة ربنا يحفظه حكمدار فصيلة 1
قاللى قصيدة رائعة فعلا حسيتها من قلبه ومش شرط فعلا الكلام يكون منمق ومزوق عشان يعجب اللى قدامك
أهم شئ انك تعبر عن اللى جواك بصدق وحب
واللى قدامك يحس بيه وده اللى حصل النهارده لما اسامة قاللى القصيدة حسيت انه من قلبه فعلا.
تسلم ايدك يا أسامة J
وفى كمان اللى عرفتهم اسمه محمد أبو يوسف سمعنى قصيدة جميلة برضه رومانسية وانا سمعته من القصايد اللى كتبتها زى ماذا أبقيت للحجر الجمادى وكمان قصيدة اكتشفت انى بحبك وكمان القصيدة اللى من ايام الثانوى قلت لؤلؤة قالوا تبالغ......
رغم الاكل والشرب والضحك والكلام والهزار وغيره وغيره
الا ان الحلو مايكملشL
من فترة كده بدأت مشاكل تظهر جوه السرية .
فى مشاكل بتتحل ودى مع بعضنا لأنها مش محتاجة شويش ولا صول عشان يحلها اساسا .
وحمدلله كنت بعمل كده مع الفصيلة بتاعتى او حتى لو ناس من فصايل تانية لانها فاضل كام يوم ونمشي ننزل اجازة
فما ينفعش نزعل حد على سبب تافه وكده
لأنك كده الناس بتشيل منك وبعد كده محدش هينسي ليك الموقف ده خالص للأسف.
طبعا مش كل الناس اللى هتفكر كده بس ع الاقل فى ناس مش هتنسي .
أنا شخصيا فصيلتى بيحصل فيها مشاكل بس بين بعضنا وبنحلها وخلص الموضوع
عشان نقضي الفترة دى ونخلص على خير
لدرجة ان كل اللى فى الفصيلة بنقعد نهزر ونضحك واحنا واقفين قدام السرية لحد الشويش او الصول ما ييجي.
المهم ان حمدلله علاقتنا مع بعضنا كويسة وده شويش بييجي يشكر فينا وبيعجبه جمعنا وتمامنا كمان زى احمد خالد ومحمود صلاح ومحمد السيد الاسمرانى.
واحمد غزال طبعا بس احمد غزال طول شوية معاناييجي 5 ايام تقريبا نبطشية.
الحلو ما يكملش يا معلم L
رغم كل ده تلاقي شخص معين مثلا هو فى فصيلة وبيكلمك بتعالى شوية يحاول يظهر للناس انه هو المسيطر مع انك معاك السلطة اللى تخليك تزعل اى حد اساسا
بس مالوش لازمة كل ده
حمدلله تقريبا اتعرفت على كل اللى فى السرية معانا وكلهم بيحبونى وربنا يديم المعروف والمحبة يارب
وانا كمان بحبهم والله فى الله وربنا يجمعنا فى الجنة كلنا .
بس مثلا لما أبقي بتكلم مع حد فى فصيلتى وحتى لو شادين مع بعض ألاقي واحد يقوللى ماتشدش مع الناس مع انى اساسا اكتر واحد شايب الناس واخدة راحتها والله
وهما حمدلله عارفين ومقدرين كل ده
بس تدايق لما حد مايكونش فاهمك ويحاول يرسم قدام الناس انه هو البريمو
لكن بنرجع ونصالح بعض وفى الاخر كلنا فى نفس الصف
"ان الله يحب الذين يقاتلون فى سبيله صفا كأنهم بنيان مرصوص"
عارف وأنا بكتب كل الكلام ده الناس نايمة ما عدا أنا وواحد كمان اسمه أحمد الوزان عليه خدمة عنبر النهارده وهو اللى فكرنى بالاية دى
ربنا يكرمه قاعد بيذاكر بيحضر ماجستير تقريبا .
والحلو ما يكملش برضه
لما تلاقى حكمدار السرية عشان واحد قال كلمة فى الطابور وتزعله والامر يتصعد للصول / سمير
وبالتالى الصول سمير قال لاحمد غزال على المشكلة وبهدلهم امبارح كانوا 5 قدام احمد غزال.
فيهم واحد او اتنين مظلومين بسبب مشكلة كده مش موضوعنا طبعا
بس اللى زعلت عليه اوى اللى اتكدر ظلم L
بسبب ان الحكمدار زعلان من كلمة قالها والموضوع كبر اكبر من اللازم
ربنا يسامحه ويجيبله حق او يعفوا عنه.
الحلو ما يكملش L
لما تلاقى اتنين زعلانين من بعض على سبب تافه انت من الفصيلة دى وانت الفصيلة كذا حاجات مش موضوعنا خالص نتكلم فيه لأنها تافهة ربنا يديم المعروف ويرزقنا الاخلاص يارب
وبرضه لسه فاضل يومين جايز يكون قيهم جديد.
الحلو برضه مايكملش #####
#السرية الاولى
وحوش...وحوش...وحوش
ليست هناك تعليقات:
إرسال تعليق