الفصل السابع عشر-------------- شئ من الذاكرة

الفصل السابع عشر

شئ من الذاكرة

النهارده كان يوم الاحد كان يوم فشييييييخ جدا عشان يوم رماية ومتعب جدا خصوصا واحنا راجعين لأن المشوار اساسا طويل جدا جدا وبالأخص عشان معانا الشويش / احمد غزال

الناس اتبهدلت فى النبطشية بتاعته جدا وكل الناس زهقانة منه اساسا بسبب كمية التكديرات والوقوف والثبات وحوارات كتيرة اوى مش موضوعنا .

المهم ان فى ناس زهقت جدا منه وحمدلله النبطشية اتغيرت والصول / سيد رجعلنا تانى

ده بقي كل السرية بتحبه جدا وبتحترمه جدا

وفى ناس طلبت منى انى اكتب فيه شعر بس للاسف مافيش حاجة جاية على بالى اكتبهاله خالص L

ماكتبتش غير للصول / سمير

والشويش احمد غزال قبل مايقلب ع الوش التانى

بقاله يومين كارهينا ومظبط الناس كلها زى ماحكيتلك

وبرضه عشان مانساش كام موقف حصلوا هقولك عليهم بكرة عشان عايز انام دلوقتى لأنى عضمى اساسا واجعنى ودماغى كمان

#تصبح على خير

--------------------------------------------

بسم الله الرحمن الرحيم

النهارده أشرق يوم جديد وانا بكتبلك الكلام اللى فات ده بعد نومى طبعا قمت جسمى متكتك ومتكسر خالص خالص L

وفضلت شوية قاعد لحد الناس ما راحت عند السلاح عشان تستلم سلاح فأخدت دش وظبطت حالى وعال العال وفرفشة وماية سخنه حاجة جامده فشخ زى مابيقولوا فى العنبر هههههههههههههه

طبعا استلمنا السلاح عشان عندنا بروفه عرض عسكرى ومادام بروفة عرض عسكرى يبقي هتتعب شوية وشمس بقي بس الجو ده حلو برض ينشط ويخلى الواحد ينشف شوية وجسمه يشد كمان حمدلله على كل حال طبعا.

وربنا يديم النعمه علينا

وعلى جميع زمايلى اللى معايا فى مركز التدريب ده

طبعا كل الناس بعد البروف دى بتاخد انصراف وهما تعبانين بيروحوا اللى ياكل واللى يشرب واللى يطلع فوق العنبر ينام يريح شوية.

واللى مريح بقي اساسا اللى هما الخوارج يعنى الوسايط يعنى الناس المريحة يعنى الناس اللى مش بتعمل اى حاجة يعنى الرايقين اوى اوى

اخرهم يحضروا طابور التمام الصبح واخر الليل قبل ما يناموا ده لو جم اساساكمان.

احنا اللى مش خوارج اللى بنقف فى الشمس ونعمل طوابير ويطلع عين ابونا بس حمدلله مستورة وعال العال

فاكر ان واحد من صحابي اسمه وصفى فصيلة 3 وسريره قصادى علطول عطانى ورقة مكتوب فيها الاتى:

أنا الليل اللى قرر من القمر يهرب...

أنا النجم اللى عاش يسهر

واول ما ابتدا يظهر لقي وقت النهار قرب

--------------------------انسان سابق

قاعد بفكر مع نفسي اكتب ايه عشان تبقي عايش معايا فى مركز التدريب قصيدي تبقي عشت مركز التدريب اللى انا كنت فيه ده

وكلام كتير بيهرب من الواحد اكتب تانى عن اللى واحشينك ولا اللى معاك ولا ايه بالظبط .

عن الناس اللى معايا

تعالوا نشوف شخصيات الفصيلة بتاعتى الاول كام واحد فيهم كده والمجموعات كمان اللى بتكون مع بعض علطول اى وقت .

الصف الاول

بيكون فيه غالبا الناس المحترمين اوى اوى اللى هما مش بيتكلموا اثناء الطابور وملتزمين بمواعيد الطابور

فيهم كام واحد ثابتين

كده رقمهم 230 عمرو

ومحمد سويدان وأمير واحمد 207 اللى مقدم فى الكلية الحربية والتانيين برضه محترمين بس بقي الواحد بيغلب معاهم شوية لحد ما يسكتوا ويبطلوا كلام شوية بس اول ما الشويش ييجي بيسكتوا علطول خوفا منه طبعا ودى حاجة مش كويسة خالص .

ابويا علمنى ان الواحد "اللى بيحترم بيحترم نفسه "

وعلطول الصول سمير بيقولهم كده حمدلله.

فى شلة بقي بتبقي مع بعض علطول

ارقامهم 209/211/212/214/213/215  اكتر ناس بتهزر فى الطابور

وفى غيرهم برضه رقمين 200/199 كانوا ساكتين فى الاول بس لما أخدوا على الجو بقوا بيتكلموا كتير حتى وبيهزروا وينكتوا كمان.

وفى غيرهم طبعا زيكا 222 ومحمود 197 ومحمد سعيد 221 اسهل ارقام للخدمة الزيادة

بتاعة كل يوم بس مش برضي ازعل حد فيهم كمان

اللهم الا مرة كده مكنتش عارف اخد التمام فقولت للصول / سيد عليهم راح مبهدلهم وعاطيهم كام كلمة فى جنابهم وهزئهم كمان وبرضه خافوا منه وبطلوا كلام فى ساعتها عشان تعرف بس اللى بيحترم بيحترم نفسه .

شئ من الذاكرة J

لما تقعد تفكر مع نفسك فى اللى حواليك كل شخصية فيها عجايب ربنا

كل الاصناف موجود الهلاس والهجاص وبتاع الكلام واللى جد اوى واللى بيهزر كتير وكمان مع ناس بتعرف تمثل اوى كمان زى الجديد اللى اسمه محمود العسيلى كان بيقلد الصول سمير والسيد واحمد غزال وحتى قلدنى أنا شخصيا هههههههههههه

يومها ضحكنا ضحك كنا لسه الصبح الساعة 5ونص

وهو محترم جدا كمان مع الشلة اللى معاه دى جايين فى يوم واحد.

حتى واحد صاحبي واقف جمبي وانا بكتب الكلام ده اسمه شادي اكبر هجاص فى الفصيلة مش قصدي شتمة ولا حاجة والله بس واد كده مابيقعدش كل ساعة تلاقيه فى مكان ومكلمنجى اوى ربنا يهديه ويصلح حاله ويرزقنى واياه عملا صالحا يقربنا اليه.

ولسه كمان واحد جه جمبي بيقرأ فى المذكرات دى اللى هو محمد السعيد(ميدو).

اللى معايا فى رشيد بنضارته دى

يارب لما نخلص مركز التدريب وننزل المذكارت تعجب الناس وتبقي محتواها كويس للى يقراها ويستفاد منها على قدر الامكان.

لأن الواحد استفاد كتير جدا حمدلله من الاتزام والانضباط والعلاقة مع الناس وتعاملك وحبك ليهم وحبهم ليك ربنا يديم المعروف بينا كلنا ويجمعنا فى الجنة ويعدى الشوية البنى ادمين اللى قدامى دول شادي وديشا(160) والكام واحد اللى حواليه.

وكمان معانا واحد او اتنين مسيحين فى العنبر

واحد منهم اسمه ميلاد (190) محترم جدا جدا ماشوفتش منه غير كل خير بغض النظر انى مثلا قولتلهم امنعوا الكلام بعض مرة وماسكتوش او اى حاجة كده ممكن مش فاكرها لكن فى المجمل محترم جدا بصراحة

والناس اللى حواليه بتحترمه جدا برضه ومش بتقصر معاه فى حاجة

شئ من الذاكرة J

لما اقولك ان الشعب ده في داء ابن ستين كلب عارف هو ايه ؟؟؟؟!!!

دااااااااااااء الجبببببببببببببببن

لما الشويش يبقي قدامه صوته يتكتم وماينطقش بكلمة واحدة

عارف لما تاخد رقم حد ييجي يتحايل عليك تمسحه يبقي جبان لان لو احترم فهو بيحترم نفسه مش حد تانى.

عارف لما تسيبهم كده من غير ما تقرصهم وتشد عليهم ؟!!

تشوف اسوأ ما فيهم

عارف ليه ؟؟!!

عشان ده شعب مصر

طبعا الا ما رحم ربي منهم

حاجة زبالة اوى L

ربنا يسهل وننزل اجازة بعد بكرة ولا حاجة J

-----------------------------------------

#السرية الاولى

وحوش...وحوش...وحوش

تم الانتهاء من كتابة ال17 فصل دول وانا هناك

كنا قعدنا بالظبط 20 يوم واليوم ال21 نزلنا فيه

فى خلال فترة الاجازة اللى هى اسبوع واحد فقط يعنى انا ماشي يوم التلات الجاى يوم 25-2

ان شا الله هرجع تانى مش عارف هنقعد كتير لحد مانترحل ولا لأ .كل اللى كتبته كان بالنسبالى حاجة مهمة وكبيرة فى نفس الوقت وقيمة ايضا.

خلال فترة الاجازة دى كتبتها على الوورد وهنزلها وانشرها على الانترنت لكل اصحابي جايز حد يستفيد منها وانا متأكد ان اللى يقراها هيستفيد بطريقة او بأخرى .

مش عارف هكمل على الفصول دى لما ارجع هناك ولا هيبقي فى حاجة تانية اكتبها مثلا

بصراحة مش عارف

لازلت أفكر

محتار اكتب قصة تانية من وحى خيالى ولا اهتم بحاجة معينة ولا اكمل على الفصول دى لحد مارجع واترحل قوة اساسية

هنشوف بس لما اسافر واظبط حالى هناك

بالمناسبة هكون فى راس التين ان شا الله بس وحدة ايه بالظبط مش عارف لكن انا متفائل وربنا يقدملنا اللى فيه الخير J

نتقابل فى حكايات تانية وخواطر جديدة كمان

جندي مقاتل وليد غزال قلموش----حكمدر فصيلة 4

ثاااااااااااااااااااااااااابت#

#السرية الاولى

وحوش....وحوش....وحوش

جبل يهده بركان يسده

صاعقة شعارى حديدى ونار

دمى بيغلى ليل ونهار ######انتهى