الصفحة الرئيسيةالفصل الثانى
صحابي فى م.ت البحرية
اليوم التانى كان يوم كويس حمدلله أحسن من أول يوم بكتير طبعا . صحينا الفجر طبعا زى ما قولت وجالنا الصول / سمير وفضل معانا وقت كتير جدا ما عملناش فيه أى حاجة حمدلله .
وفى طابور الغدا كانت المفاجأة اللى هيا انه اختارنى من ضمن 4 اختارهم فى الأول وأنا قدمت نفسي حكمدار للفصيلة بتاعتنا فى السرية .
فصيلنا كانت رقم 4 فى السرية طبعا بعد اللحظة دى بقي ليا حق الأمر والنهى وعمل طابور والحاجات دى كلها طبعا .
بس كنت بهزر ونضحك مع بعض وقعدنا لحد الساعة 4 وبعد انصراف لحد دلوقتى فى اللحظة اللى أنا كتبت فيها الفصل التانى اللى لسه ما خلصش.
صحابي بقي حمدلله كانوا كتير جدا ناس كنت أعرفها وناس اتعرفت عليها طبعا وناس اتعرفت عليها فى الطابور بحكم انى حكمدار طبعا .
زى مثل : أولهم محمد سعيد (ميدو)عشان من رشيد وزميل فى الكلية طبعا شفنا أول يوم سوا كان L ووليد ابودياب وناس من ايتاى البارود زى مختار اللى شبه حماده محروس زميلى بالظبط هههههههه.كنا حمدلله سمنة على عسل لحد دلوقتى.وفيهم أحمد أبواحمد اللى عندى على الفيسبوك وفى ناس تانية كتيرة ممكن مش عارف اسمائهم بس أشكالهم فى بالى .
فى واحد من زمان أعرفه محمد مالك من زمان كنت اعرفه فى المدينة الجامعية اسكندرية وسبحان من جمعنا طبعا .
وحمدلله كانت علاقتى بيهم كويسة جدا وربنا يديم المعروف بينا جميعا دائما . وبالمناسبة قبل مانسي كان النهارده قائد المعسكر كله اسمه عميد ايه مش فاكر بصراحة .قال كلمتين كويسين برضه واحتمال ان احنا ننزل كمان اسبوعين وبعدها نرجع بعد 4 أيام تقريبا لحد يوم 1-3 عشان نترحل بعدها بقي.احنا دلوقتى واخدين انصراف من الساعه 4 ونص لحد ( مش عارف لحد امته حمدلله).
تقدر تقول رااااااااااااااااااحة
فاضل اسبوعين J
#السرية الاولى
وحوش...وحوش...وحوش
ليست هناك تعليقات:
إرسال تعليق