الصفحة الرئيسيةكان نفسي أحكيلك وتسمعنى
كان نفسي أحكيلك وتسمعنى
وتدينى الامان وأتكلم وأفضفض باللى جوايا
كان نفسي أحكيلك
عن وطنى وعن ناسي
وعن أهلى وأصحابي وأحبابي
وعن احساسي
وعن شعب الحضارة اللى مطحون
وعن ريس كان فى الاصل مطحون
وعن طوابير الظلم قدامك
وعن صمتك
وعن قراراتك
وعن وزاراتك
وعن خيرة شباب مسجون
وعن غيره مايتعدش
ولو قطرة دم شهيد تثور ليها
لكان كفا قلبي وقلت يكفيها
كان نفسي احكيلك عن دمعة ام شهيد
مات عشان بلده
عشان صوته
عشان مظلوم
عشان كلمة
عشان قال كفانا نفاق
كفانا خداع
كفانا صداع
ومشروعات فى الاصل وهمية
كان دايما بيحلم بوطن أفضل
فخانه نظامك البطال
وكمم صوته لكن كلمته باقية
عمر الشعب ماينساها
ماهى فى الاصل من صوتهم
وفرحتهم
وحزن الشعب من حاله
كان نفسي أحكيلك وتسمعنى
-----------------------------------------
وليد غزال 7-4-2013
ليست هناك تعليقات:
إرسال تعليق