الصفحة الرئيسيةاتعلمنا نرضي بنصيبنا وقدرنا
بس ما تعلمناش نغير من وضعنا نطور نفسنا نشوف الاحسن ننتج اكتر نشارك
نتعلم جديد نشوف الدنيا فيها ايه جديد
اتعلمنا نقلد بس مش نبدع وننتج بايدنا
اتعلمنا نستورد من بره لحد الابره
اتعلمنا لازم نبقي مختلفين بس مش مترابطين وحتى لو مترابطين بتبقي مصلحة بس مش كله طبعا بس دا الواقع اللى باشوفه
اتعلمنا نتعلم بس انما تعليم زى ماهو فاشل بمعنى الكلمة
اتعلمنا نخلص تعليم ومتاكد مش هتلاقي شغل الا لما يطلع عينك مش حكومى طبعا ده راحت عليه خلاص الخاص وغالبا لازم واسطة
اتعلمنا نفضل نتكلم ونحلل نتكلم ونحلل ونحلل ونحلل ومافيش جديد
كل يوم حدث جديد ونحلل برضه
وغيرنا ف القمر مش هنا خالص غيرنا ف كوكب تانى تانى خاااااااااااااااااالص
اتعلمنا لازم يكون لينا شخصية بس ماتعلمناش نبنى شخصية اللى قدامنا ومش شرط لازم تبع تيار معين او حزب لا كمواطن عايش كاى شخص ف بلدك
اتعلمنا ان مصر هى امى ونيلها هو دمى والكلام الهجص ده بس بحالنا ده لو فضل كده فعلا انسي ومش بلوم فعلا اى حد بيسافر او بيهاجر بره بأى طريقة بئة بسبب اللى ف البلد ده
شئ مخزى ومؤسف جدا
اتصورلنا ان الامر معركة بين الكفر والايمان وفضلنا فى الدوامة دى سنين
لا ده بينتج شخص كويس يستحق حرية وعيشة كريمة ولا ده بينتج برضه
اختلافنا افسد قيمنا واخلاقنا للاسف وافسد علاقتنا ببعضنا
اتقسمنا فعلا
وكل يوم حدث ونحلل ونحلل ونحلل
ومش بنخلص
ونناقش ونناقش ومش بنعمل غير كده وكل واحد عارف كده كويس جدا
بيفكرنى بفيلم عسل اسود وهو بيقوله
tell me
انت عاجبك حالك ؟!!
انت عاجبك حالك؟؟؟
-----------------------------------
معلش ع التعميم ده بس فى ناس لسه فيها الخير على فكرة
حاول تكون انته ده اللى فعلا يستحق يكون كويس
ليست هناك تعليقات:
إرسال تعليق